ما هي أقسام كلية العلوم ؟! كيف تختار التخصص الدراسي المناسب …؟ ما هو أعلى قسم في كلية العلوم ؟ وما هي التخصصات المتوفرة في سوق العمل؟ بالطبع كل هذه الأسئلة تراود ذهن العديد من الطلاب نظراً لكثرة الشعب والتخصصات العلمية المُتاحة بالكلية؛ يجب أن تعلم أن اختيار تخصصك هي مسألة في غاية الأهمية سيترتب عليها الكثير فيما بعد لذا وجب عليك الحرص والدقة في كيفية اختيار التخصص المناسب.
محتويات
ما هي كلية العلوم؟
هي إحدى الكليات التابعة للقسم العلمي في الثانوية العامة، وتعتمد في دراستها بشكل أساسي على التخصصات العلمية مثل (الكيمياء، الفيزياء، الأحياء، الرياضيات، والجيولوجيا)
ما هو أعلى قسم في كلية العلوم ؟
تخضع إجابة هذا السؤال لعوامل عديدة منها مثلاً إتاحة تخصص في جامعة معينة وعدم إتاحته في جامعة أخرى؛ كما أن الموضوع نسبي وقد يختلف من شخص لآخر، كما ننصح دائماً باختيار التخصص الذي سوف تتفوق في دراسته
تشترط بعض الجامعات أيضاً تقديرات محددة في العام الدراسي الأول للإلتحاق بأية برامج تخصصية في السنوات الدراسية التالية كما يوجد لبعض التخصصات مصاريف إضافية مختلفة عن مصاريف الدراسة بالجامعة.
مسألة أعلى قسم في كلية العلوم يصعب تحديدها بشدة فقد يرى فريق أنه قسم التكنولوجيا الحيوية وقد يرى فريق آخر أنه قسم الرياضيات وعلوم الحاسب، وقد يرى فريق ثالث أنه قسم الكيمياء!
إذا فالأمر يعتمد على عدة عوامل مختلفة منها مستوى صعوبة المواد الدراسية، الفرص الوظيفية في سوق العمل، وكذلك المتطلبات الجامعية للإلتحاق بهذا القسم سواء تقديرات مُعينة أو مصروفات إضافية!
ما هي أفضل تخصصات كلية العلوم ؟
بعض التخصصات في أقسام كلية العلوم لها فرص وظيفية عديدة نتيجة لتشعبها في كافة الصناعات المختلفة وهناك تخصصات أخرى قد لا يتوفر لها وظائف بكثرة في الوطن العربي؛ أفضلهم في الإنتشار الوظيفي في الدول العربية من حيث الترتيب كما يلي:
1- الكيمياء
2- البيولوجي، الجيولوجيا
3- الفيزياء والرياضيات
ما هي أقسام كلية العلوم ؟
- الكيمياء
- الفيزياء
- الرياضيات
- الجيولوجيا
- النبات
- الحيوان
- الحشرات
- الفضاء والفلك
- البيوفيزياء
- علوم البترول
- الكيمياء الحيوية
- الجيوفيزياء
- الميكروبيولوجي
- علوم البحار
- الجيوفيزياء
اقرأ أيضاً

قسم علوم البترول
تتجه بعض الكليات والجامعات لإنشاء برامج تخصصية إضافية مُختلفة عن باقي أقسام كلية العلوم الأخرى، حيث يلتحق بها طلاب الفرقة الدراسية الأولى برسوم دراسية مرتفعة تختلف عن مصروفات الدراسة بالجامعة مثل برنامج علوم البترول بكلية العلوم جامعة القاهرة وبعض الجامعات المصرية الأخرى
وأحياناً ما تكون تلك البرامج مجرد وهم كبير لخداع الطلاب وإقناعهم بأن شركات البترول مثل شلمبرجير، شل، هاليبرتون وغيرها سوف تفتح ذراعيها لاستقبال هؤلاء الطلاب بعد التخرج وهذا ما لايحدث على أرض الواقع!
فيجد الطلاب أنفسهم قد وقعوا فريسة سهلة لعناوين برّاقة حيث تم إقناعهم بأنهم يدرسون مقررات وكورسات لا تُتاح للطالب العادي بقسم الجيولوجيا أو الجيوفيزياء في حين أن نسبة كبيرة من العاملين في مجال البترول هم في الأساس جيولوجيين أو جيوفيزيائيين ولم يلتحقوا بمثل هذه البرامج! نصيحة شخصية قم بتوفير المصاريف الباهظة التي سوف تدفعها في هذه البرامج الدراسية من أجل تطوير مهاراتك في الكمبيوتر أو اللغات!
عيوب قسم علوم البترول
يُمكن تلخيص عدم كفاءة هذا التخصص إلى الآتي:
- مُكلف جداً حيث تصل المصاريف في العام الدراسي الأول ببعض الجامعات المصرية إلى 10 آلاف جنيه مصري وربما أكثر؛ مع زيادة المصاريف بالطبع في كل عام عن سابقه
- لا يوجد أي ضمان حقيقي من شركات البترول لتوظيف هذا الكمّ من خريجي هذا التخصص، فعادةً تحتاج مثل هذه الشركات العملاقة إلى أفراد قليلة لشغل وظيفة ما
- عدد كبير من المقررات التي يدرسها طلاب علوم البترول موجودة بشكل مجاني في تخصصات الجيولوجيا أو الجيوفيزياء
ما هو أصعب تخصص في أقسام كلية العلوم ؟
تخضع مسألة الصعوبة أو السهولة لعوامل كثيرة جداً! فقد تكون الرياضيات صعبة بالنسبة لك وسهلة بالنسبة لي! الأمر معتمد بنسبة كبيرة على مدى تفوقك في المرحلة الثانوية ومدى اهتمامك بمجال عن آخر؛ لكن يُمكن مجازاً ترتيب التخصصات من حيث الأكثر صعوبة وفقاً لما يلي:
1- الرياضيات
2- الفيزياء
3- باقي التخصصات تقريباً في نفس المستوى
ما هي مميزات كلية العلوم ؟
- 1- تساعدك على التفكير بطريقة علمية وموضوعية دون التحيز لفكرة بعينها
- 2- لها مجالات وفرص متشعبة في سوق العمل
- 3- يعود إليها الفضل في معظم الاكتشافات والابتكارات التي غيرت مجرى التاريخ!
أسهل قسم في كلية العلوم
ذكرنا سابقاً أن مسألة السهولة والصعوبة هو أمر نسبي بشكل عام لكن من واقع تجربة وخبرة فإن أسهل قسم في كلية العلوم هو قسم البيولوجي وكذلك قسم الجيولوجيا، وذلك لأن الجانب العملي في كل تخصص منهما شديد الصلة بالجانب النظري مما يساعدك في التفوق والحصول على درجات مرتفعة في هذه الأقسام
على العكس من باقي تخصصات كلية العلوم الأخرى مثل الكيمياء، الفيزياء، أو الرياضيات، والتي تتطلب فهم واستيعاب شديد للجوانب العملية بصرف النظر عن فهمك للجانب النظري
ما هي تخصصات كلية العلوم؟
- فيزياء – فلك
- رياضيات – علوم حاسب
- كيمياء – جيولوجيا
- جيولوجيا – جيوفيزياء
- بيولوجي – بيوفيزياء
- كيمياء – نبات
- كيمياء – فيزياء
- كيمياء منفرد
- فيزياء منفرد
- جيولوجيا منفرد
كيف تختار التخصص؟
(1) حدد هدفك
من البداية ومنذ العام الدراسي الأول يجب أن تحدد مسارك الدراسي الذي تنوي إكمال طريقك به وفقاً لميولك ورغباتك في المقام الأول ولا تستمع إلى آراء الآخرين في أي تخصص؛ لأن هذه الآراء تخضع للعديد من العوامل والاعتبارات الأخرى وليست بالضرورة أن تكون صحيحة!
(2) اختر تخصصاً تحبه
سبق وأن ذكرنا أنه يجب عليك ألا تفكر في مسألة الوظيفة في الوقت الحالي، فلا تبرر اختيار تخصص ما على حساب غيره من التخصصات الأخرى نظراً لأنه متوفر في سوق العمل ؛ ولربما تُنحّي آخر أنت متميز به لمجرد أنك تشعر أنه غير مطلوب؛ اختيارك للتخصص الذي تحبه سيؤهلك للتفوق به والوصول إلى أعلى الدرجات، كما أن معظم أقسام كلية العلوم تقريباً لها فرص وظيفية سواء في الوطن العربي أو في اوروبا وأمريكا
(3) اعرف مميزات كل تخصص
يجب أن تعلم أن هناك مسارين أساسيين في أقسام كلية العلوم وهما (التخصص المنفرد والتخصص المزودج)؛ في التخصص المنفرد يكون التخصص النهائي لشهادة البكالريوس في مجال واحد فقط بالإضافة إلى مشروع تخرج سيتم مناقشته مع أساتذتك في السنة الاخيرة.
التخصص المزدوج يكون في مجالين مختلفين بينهما ترابط بنسبة كبيرة أمّا بالنسبة لمشروع التخرج فهو يختلف من كلية لأخرى وفقاً للوائح كل جامعة، من أمثلة التخصصات المزدوجة بكلية العلوم (كيمياء – فيزياء) و (رياضيات – حاسب آلي)
مميزات التخصص المنفرد (Special Degree)
- أكثر إلماماً بمادة تخصصه عن التخصص المزودج
- يدرس كورسات فرعية أكثر تفصيلاً (أغلبها كورسات أكاديمية بحتة!)
- مطلوب في سوق العمل
مميزات التخصص المزدوج (Double Major)
- يُدرك القواعد والمبادئ الأساسية في كل تخصص
- له فرص مُتنوعة في سوق العمل؛ فإذا لم يحالفه الحظ في إيجاد وظيفة مُناسبة في التخصص الأول فسوف يتجه إلى الثاني.
(4) اعرف شروط ومتطلبات التخصص الذي ترغب به
بعض التخصصات الجامعية تتطلب تقديرات مرتفعة لمن يرغب للالتحاق بها مثل كثير من التخصصات المنفردة: تخصص كيمياء منفرد وجيولوجيا منفرد ، تشترط الكثير من الكليات تقدير عام جيد جداً على الأقل في السنة الدراسية الأولى للالتحاق بهذه التخصصات، أما التخصصات المزدوجة فغالباً لا يُشترط أي تقدير للالتحاق بها.
دليل شامل عن كلية العلوم من الصفر
فيديو تعليمي عن الكلية يضم (أقسام كلية العلوم، الشعب والتخصصات، مجالات العمل لخريجين كلية العلوم، وكيفية التأقلم مع مشكلة الدراسة باللغة الإنجليزية)
آخر تحديث: 6 أغسطس 2020
Oui jebt psq galouli lkhdma mchi madmona fihom
kindly write your comment in English or Arabic
قسم كيميا حيوي بختارها من اول سنة
التخصص في أغلب الكليات يكون في السنة الثانية أما السنة الأولى يتم دراسة مقررات عامة بها مثل الرياضيات، الكيمياء، والفيزياء
انا رايحة سنة أولى و محتارة بين بيولوجي وعلوم فيزيائية بسبب مواد الرياضيات
الفيزياء بها كم كبير من الرياضيات وتتطلب معرفة جيدة بفروع مثل التفاضل والتكامل؛ يُمكنك الالتحاق بقسم العلوم البيولوجية إذا كنتي مهتمة بهذا المجال! أما إذا كنتي تحبين الفيزياء فالأفضل أن تلتحقي بها بغض النظر عن الرياضيات أو أي عائق آخر
انا سنة اولى جامعي اخترت جيولوجيا.. حبيت نسقسيكم مليحة ولا نبدل لبيولوجيا
كلا من الجيولوجيا أو البيولوجي فهي مجالات جيدة جداً ولها فرص متوفرة في سوق العمل
المهم أن تختاري تخصصاً تحبينه وقريب جدا من اهتماماتك
ايه احسن قسم عليه طلب خارج مصر خصوصا الكيمياء اي قسم فيها افضل ميكروكيمياء ولا …..ولا….. ولازم اكون حاصل علي درجه علميه زي ايه واقل سنوات خبره عشان اقدر اسافر بيها
بشكل عام لا يوجد قسم مطلوب وقسم آخر غير مطلوب! كل أقسام الكيمياء ضرورية وحيوية للغاية! التحق بالقسم الذي تحبه هذا سوف يساعدك على التفوق به؛ شهادة البكالريوس جيدة لكن إذا استطعت الحصول على شهادة الماجستير فهذا أفضل بالطبع ويُفضل أن تحسن من مستواك في اللغة الانجليزية لأن السفر يتطلب درجات معينة سواء في اختبار الايلتس او التويفل
عاوزه اعرف مجالات شغل خريجي قسم الimac جوه وبره مصر ومصاريفه اد ايه وايه اللي بيميزه عن الاقسام التانيه في كلية العلوم
في مدرس بيقولي ان مفيش حاجه اسمها ميكروكيمياء وكمان بيقولي ان اللي بيدخل كيمياء لازم يرفع قضيه عشان يقدر يفتح معمل تحاليل في مصر انما ميكروبيولوجي ممكن يتفح معمل بعد التخرج علي طول الكلام ده صح وهل البيولوجي عليها طلب في الخارج
ده صحيح لا يوجد قسم يُدعى ميكروكيمياء؛ بالنسبة لفتح معمل يتطلب بعض التصاريح من نقابة العلميين لمزاولة المهنة وافضل قسم لسلك مجال التحاليل الطبية هو الميكروبيولوجي.
بالنسبة للبيولوجي فمطلوبة بالطبع شأنها شأن باقي التخصصات
يعني الميكروبيولوجي ملهاش مجال غير دكتور تحاليل ولا في حاجه تاني وزي ايه مثلا وهل ممكن اسافر بيها بره
مجالات الميكروبيولوجي ليست مقتصرة على التحاليل فقط تشمل ايضاً (مجال الادوية، الكيمياويات، شركات الاغذية، المستشفيات) بالنسبة للسفر فهي مطلوبة طبعاً في الخارج
انا داخلة سنة تانية علوم ..بيولوجي..وكنت عايزة اعرف الافضل بيو كيميا ولا بيو خاص ؟ مع العلم إنى الحمد لله جايبه تقدير وحابة مجال التحاليل الطبية وهل قسم بيو كيميا بيعمل دبلومة كيميا حيوية ولا لأ ؟ وبيعملها كام سنة ؟ وكذلك بيو خاص ؟
هل تقصدي بيوكيمياء ومعاها تخصص تاني زي الكيمياء مثلا ؟
عامة طالما البيوكمستري اساسية فهو مجال مطلوب وبالنسبة للدبلومة فهي متاحة لاي تخصص من الاتنين مفيش مشكلة وعادة بتكون مدتها من سنة إلى سنتين
بالنسبة للعاوز يتخصص علوم حاسب علوم حلوان اية القسم اللي يدخلة بعد سنة اولى وايه الشروط والمواد المطلوبة
هيكون متاح ليك تخصصات مزودجة محدودة مثل (رياضة – علوم حاسب) او (فيزياء – علوم حاسب) او (احصاء – علوم حاسب) وده هيعتمد على المواد اللى هتختارها في سنة اولى
ما هو عمل قسم الكيمياء
هذه المقالة تضم أشهر الوظائف للكيميائيين
كلية علوم جامعه مطروح لتعدين والبترول ماهى مميزاتها وعيوبها
كلية حديثة النشئ ؛ اعتقد تأسست في عام 2017 . مميزاتها انها تعطي لك فرصة جيدة للعمل بالبترول وإن كان هذا المجال يعتمد على الواسطة بنسبة كبيرة، نصيحتي لك ان تتجه لتخصص جيولوجيا افضل لأن هذا التخصص سوف يمنحك مجال البترول بالاضافة لكافة مجالات الجيولوجيا الاخرى مثل العمل بشركات الاسمنت، مراكز رصد الزلازل وغيرها
لو سمحت انا داخل اولي علوم عين شمس
ومحتار جدا مابين اني اخش كيميا واتخصص كيميا سبيشيل
او اني اخش بيولوجي واتخصص ميكروبيولوجي سبيشيل
مش قادر احدد انا حابب ايه اكتر علشان انا مادرستش ميكروبيولوجي قبل كدة فا مش عارف
وانا الصراحة مش حابب مجالات الشغل بتاعت الاقسام بشكل عام وانا حلمي اني اشتغل في مركز ابحاث واني اشتغل في البحث العلمي بشكل عام
فا انا عايز حبة معلومات عن دي ودي ومميزاتهم وعيوبهم وياريت من حيث المتعة في الدراسة والمطلوب اكتر في البحث العلمي وليه فرصة ان يبقا حياتي فيه بحث علمي بس اني افضل ؟ اسف للأطالة
كلا من القسمين له مجال عمل في المراكز البحثية، بالنسبة للكيمياء فمجالاتها في البتروكيماويات، الأدوية، مصانع المنظفات، شركات التجميل، مصانع البلاستيك ومجالات أخرى كثيرة جدا لا حصر لها. أما الميكروبيولوجي فمن أشهر مجالاتها هو التحاليل الطبية حيث ان هذا المجال يعتمد على دراسة الفيروسات، الميكروبات، الجراثيم، البكتريا وغيرها من الكائنات الدقيقة التي لا ترى بالعين المجردة.
لا يوجد أفضلية لأحدهم على الآخر إذا كنت تميل أكثر إلى مجال الطب فقسم الميكرو هو الخيار الافضل لك أما إذا كنت تميل اكثر إلى الكيمياء بفروعها المختلفة فالكيمياء هي الخيار الافضل
هو حضرتك دخلت ايه ، علشان أنا تقريبا زي حضرتك ، عندي نفس الميول ، ومحتارة بين المجالين جدا ، وقولت اني اخش ، قسم مزدوج ، بس الدراسة مش تفصيلية في المزدوج زي الاسبيشيل، فدخلت ايه واية رأيك في مجالك ، ويا تري إيه نظام الدراسة سهلة ولا إيه ، أنا عارفة انها سهلة بس هي موضوع أنه مفيش دروس زي الثانوية والدراسة بالانجليزي ممكن الصعوبة في كدا ، طيب بتذاكر ازاي ، وبتعمل ايه ، ويا تري لو رجع بيك الزمن ممكن تغير قسمك، يا ريت نصيحة ،
يا ريت حضرتك ترد ، لو سمحت .
انا داخلة تانية علوم و محتارة اختار كيميا سبيشيال او اتخصص حاسب احتاج للنصيحة
تخصص الكيمياء افضل وله انتشار أعلى عن الحاسب فضلاً عن كون الحاسب يتطرق أكثر إلى رياضيات الحاسوب!
انا اخترت الحاسوب في كلية العلوم ماهيا ابرز التخصوصات في هدا القسم او سوفادرسه عام دون تخصص لمجالات اخرئ مثل البرمجة او شبكات
مجال الحاسوب في كلية العلوم متقصر نوعا ما على تخصصات محددة! أما مجال الشبكات والبرمجة فمتاح بشكل أفضل في كلية منقصة وهي كلية الحاسبات والمعلومات (computer Science)
طيب الي عايز يشتغل ف مجال البترول ايه افضل قسم
قسم الجيولوجيا المنفرد أو قسم الجيوفيزياء
طيب انهي اقسم افضل من حيث سوق العمل و السفر للخارج ميكروبيولوجي كيميا ولا بيوكيميستري كيميا ؟
كلاهما متساويان في فرص العمل تقريباً ؛ الاختيار متروك لك
انا خلصت و داخله مستوي تاني و في حيره ما بين قسم computer science و biophysics حضرتك تقدر تفيدني انه ك دراسه احسن في الكليه و ليه مجالات عمل ؟
في حالة إنك مهتمة بمجال الكمبيوتر وحابة البرمجة بشكل عام؛ فطبعا قسم علوم الحاسب أفضل وإن كان مختلف بعض الشئ عن كلية الحاسبات والمعلومات في كونه يرتكز بشكل كبير على الجوانب النظرية والرياضية للبرمجة لكنه أفضل من قسم الفيزياء الحيوية لأن مجالاته تشمل العمل في مجال البرمجة، تشفير البيانات، علوم البيانات، الذكاء الاصطناعي؛ بشكل عام فإن البرمجة هي الترند الحالي في العالم أجمع
! أما في حالة إنك غير مهتمة بالبرمجة ولا تحبين الرياضيات فقسم الفيزياء الحيوية سوف يكون هو الخيار الأنسب؛ بالنسبة لمجالات عمل الفيزياء الحيوية فهو في مراكز الأبحاث والمستشفيات ومراكز الآشعة
انا بدي اسالك عن الفيزياء النووية ؟قدملي شيء معلومات عنا
حضرتك من أي بلد؟ هل تسألين عن التخصص في جامعة معينة أم عن التخصص بشكل عام؟
بالنسبه لقسم علوم فضاء ..ايه المواد اللي بدرسها وايه فرص العمل اللي بتكون متاحة لها
في جامعة القاهرة على سبيل المثال يوجد تخصص لعلوم الفلك والفضاء كتخصص مزدوج أو تخصص فيزياء وفضاء؛ بالنسبة للعمل فمتاح في المراكز البحثية المتعلقة بالفضاء أو بوكالات الفضاء مثل وكالة ناسا وإن كانت ناسا تضع شروطا محددة للإلتحاق بها والافضل الحصول على الماجستير على الاقل للوصول إليها
انا جايبة ٩٦.٢ مش عارفة ادخل اية السنادى محتارة بين علوم وعلوم الارض والسن وكل اللى عايزاة انى لما اتخرج اشتغل علطول فأرجوك ارشدنى لانى معنديش حد استشيره
فكرة إني اتخرج واشتغل فده مش هدف واضح عشان العقل يتعامل معاه! فكري ميولك وشغفك في أي اتجاه؟! هل في البحث العلمي وكل ما يتعلق بالعلوم عموماً أم في مجال تعلم اللغة الانجليزية؟
لو سمحت انا قرات عن البيوفيزيا الطبيه وعجبتنى هل اقدر ادخل المجال ده من كلية علوم وازاى اتخصصت فيه ؟!مع العلم انى شغوفه بالمجالات الطبيه
ينبغي اختيار مواد اختيارية في العام الأول من الكلية تتضمن البيوفيزياء ثم التخصص فيه فيما بعد في باقي سنوات الدراسة
معلش..اقصد ازاى اتخصص انا فيه؟!
اولا يا شباب بالنسبة لكلية علوم في الخارج عن تجربتي في الدول العربية لازم خبرة كبيره في مجال معين سواء كيمياء او قسم مزدوج المهم عندهم الخبرة لمدة 5 سنين مثلا
ثانيا ودا المهم بالنسبة لخريجي قسم الكيمياء والكيمياء المزدوج يفضل ياخدوا دبلومة تحاليل من نفس التخصص وبعدين يطلعوا مزاولة مهنة وبعدين ياخدوا سنتين خبره اقل شئ ويقدموا علي moh او البرومترك ع حسب انت عايز تسافر فين لان مش متاح لينا نشتغل ف التحاليل الا بالترخيص بتاع ال moh او البرومترك
ايه الكورسات المطلوبه لقسم كيمياء خاص الل نقدر ناخدها واحنا فى الكليه (فى وقت الدراسه )؟
مع العلم عايز اشتغل فى مجال الصناعه او البترول
هل تقصد كورسات أكاديمية أم كورسات مرتبطة بسوق العمل؟
السلام عليكم ..لو سمحت انا محتاره بين قسم جيوفيزياء وميكرو بيولوجي بس انا حابه مجال التحاليل والابحاث العلميه ..وانا كنت احسب ان عشان اى حد يقدر يفتح معمل تحاليل فد مالوش دخل بالقسم وأنه تقدر تفتحه من اي قسم شرط تعمل دبلومه فى السنه اللى بعد التخرج
ارجو الرد وعسي استفيد من حضرتكم
وعليكم السلام ورحمة الله وبركاته .. طالما انتي حابة مجال البيولوجي والتحاليل يبقى تتوكلي على الله وتختاري قسم الميكروبيولوجي ، بالنسبة لدبلومة التحاليل الطبية فمقتصرة على تخصصات محددة مثل الكيمياء أو الميكروبيولوجي أو البيولوجي عموماً
لو سمحت هو ايه شروط الالتحاق بقسم كيمياء منفرد بالنسبة لعلمي رياضة .و شروط الالتحاق ب(كيميا/فيزيا) او (كيميا /جولوجيا) هل بيكون منغير شروط يعني التحق بقسم الفيزيا واتشعب منها كيميا /فيزيا ،وبنفس الكيفية قسم كيميا/جولوجيا .و لا يؤخذ مجموع الثانوية بعين الاعتبار اني اكون جايبة مجموع معين في مادة الكيميا او الفيزيا و الانجليزي
الاقسام المزدوجة مثل كيمياء-فيزياء و كيمياء-جيولوجيا فليس لها شروط للالتحاق؛ يشترط فقط دراسة مادة الجيولوجيا مثلاً للالتحاق بقسم (كيميا-جيولوجيا) وهكذا ؛ بالنسبة للاقسام الخاصة أو المنفردة مثل (كيمياء منفرد) أو (جيولوجيا منفرد) فغالباً يشترط تقدير عام جيد جداً في العام الأول بالإضافة للحصول على تقدير جيد جداً في مادة التخصص، مثلا الحصول على جيدا جدا في العام الأول وجيد جداً في مواد الكيمياء للإلتحاق بقسم الكيمياء المنفرد.
بالنسبة لمجموع الثانوية العامة فليس شرطاً للإلتحاق بأي قسم في الكلية
يعني ده معناه ان التشعيب من قسم فيزيا الي تخصص”كيميا/فيزيا “لا يحتاج شروط معينة او انه اجيب تقدير في سنه اولي او الترم الاول في مادة الكيميا عشان اقدر اتخصص لكيميا /فيزيا
التخصصات المزدوجة ليست مميزة في شئ؛ لذا الوصول إليها بسهولة ولا يشترط لها أي تقدير سواء كانت (كيمياء-فيزياء) أو (كيمياء-جيولوجيا) أو (كيمياء-نبات) يشترط فقط أن تدس المادة التي تؤهلك للقسم المزدوج؛ كأن تدرس مادة النبات في الفرقة الأولى لكي تلتحق بقسم (كيمياء-نبات)
سلام عليكم ، انا المفروض داخلة اولى
ومش عارفه انهي قسم أفضل بالنسبة لاتاحة عمله ف التصنيع الدوائي شوية ف الشركات ..
البيولوجي ومنه ميكرو كميا ولا كميا وهيبقي قسم ايه ف كميا ؟
وهل متاح بعد التخرج دبلومات أو بكالوريوس من جامعات خاصة ، سمعت ان فيه جامعات صيدلة بتتيح سنتين بكالوريوس ومنها بتقدر تشتغل في تصنيع الدوا ..
رأي حضرتك مهم وضروري
وعليكم السلام ورحمة الله وبركاته
بالنسبة لمجال تصنيع الدواء فهي عملية كيميائية في المقام الأول، فأنصحك بقسم الكيمياء ويُفضل يكون قسم كيمياء وكيمياء حيوي كتخصص مزودج بمعنى أني بدرس الكيمياء + الكيمياء الحيوية، بالنسبة للدبلومات فمتاحة مفيش مشكلة من معظم الجامعات
لو سمحت انا داخله سنه أولي علوم ومحتاره جدا بين كيمياء وميكروبيولوجي انهي الافضل فيهم وهل لو اختارت قسم كيمياء أقدر اعمل دبلومه وافتح معمل تحاليل + عشان اتقبل في قسم كمياء مفروض اكون جايبه كام في الكيمياء ؟؟ أرجو الرد
على حسب ميولك واهتماماتك ، يعني مثلا قسم ميكروبيولوجي بيركز اكتر في دراسته على مواضيع زي (الفيروسات، البكتريا، الفطريات، … إلخ)… بشكل عام مينفعش نقول أن فيه قسم منهم ليه أفضلية على التاني. بالنسبة لقسم الكيمياء فتقدري تفتحي منه معمل تحاليل مفيش مشكلة بعد ما تاخدي دبلومة التحاليل الطبية وترخيص من نقابة العلميين ووزارة الصحة. لا يشترط درجات معينة في الثانوية العامة للإلتحاق بقسم كيمياء سبيشيل؛ في الغالب بيكون شرط الالتحاق بالقسم ده هو الحصول على تقدير جيد جدا في سنة أولى بالإضافة لتقدير جيد جدا في مواد الكيمياء في سنة اولى
طب انا دلوقتي ف علوم عين شمس بنات وهي مش واخدة الجودة ومش معتمدة فهل الافضل اني اكمل فسها لو هكمل سلك اكاديمي ولا احول لعين شمس الرئيسية افضل؟؟؟!
إذا متاح ليكي تحولي لعلوم عين شمس فهي أفضل بعيداً عن مسألة الجودة والاعتماد لأن فيه كليات كتير في مصر غير معتمدة عالمياً
السلام عليكم لو سمحت انا بدرس في تركيا قسم البيولوجيا الجزيئية والجينات ما هو افضل تخصص احضر فيه الماجيستير من حيث سوق العمل في مصر والوطن العربي
معنديش خلفية اوي عن المجال ده، بس هل فيه موضوع معين أنت ناوي تحضر فيه الماجستير وشايف شغفك في الموضوع ده ؟
السلام عليكم انا ادرس قسم البيولوجيا الجزيئية والجينات في تركيا تنصحني بافضل شي احضر فيه الماجيستير يكون مطلوب لسوق العمل في مصر او الوطن العربي عموما
لو سمحت انا دلوقتي عندي سوالين انا عاوزه اتخصص ف شئ له علاقه بالفيروسات وانا سنه اولي وعاوزه ابقي قسم الكميا الحيوي والميكروبيولوجي انا ف كليه تسمحلي بالتخصص المزدوج بينهم ف ازاي اقدر اتخصص ف قسم زي كده يعني اختار ايه عشان اكمل ف القسمين دول انا اولي وتانيه بتبقي عام والتخصص من تالته
هتختاري تخصص الميكروبيولوجي، وبعد الدراسة بالكلية تقدري تعملي دبلومة او ماجستير في الفيروسات وتبقي متخصصة فيها بشكل اكاديمي
لو سمحت انا عايزة اعرف شوية معلومات عن قسم الفلك ، وايه هي متطلبات العمل في وكالة ناسا
قسم الفلك متوفر في بعض الجامعات في مصر وليس في كل الجامعات، دي مقالة بتشرح متطلبات وشروط العمل في وكالة ناسا
https://courses-lectures.com/2016/08/join-nasa/
لو سمحت انا دلوقتي عايزة اعرف ايه فرص الشغل لاقسام الجيولوجيا وبيكون شغلهم عبارة عن ايه ف شركات البترول مثلا وهل فرص السفر ليهم كتير ولا صعبة
مجالات العمل للجيولوجيا هي في البترول والتعدين وفي الإنشاءات الضخمة
طبعاً متوفر ليهم فرص السفر بسهولة في حالة الخبرة والكفاءة
دلوقتى انا محتار بين قسم كيميا حيوى وقسم كيميا اسبيشيال ايه الأفضل فى الشغل وفى الدراسه؟
الاتنين كويسين وليهم فرص كتير في سوق العمل، وإن كنت برجح الكيمياء سبيشيل لأن فرصه أكتر بحكم أنه تخصص عام أكتر
فمجال التصنيع الدوائي اى الاقسام لها اولويه كمياء / كمياء حيوى. ام كمياء اسبيشيال
معنديش خلفية بصراحة عن الموضوع ده ، بس عامة قسم كيمياء سبيشيل هيفتح لك أي طريق متعلق بتصنيع أي مركبات كيميائية سواء كانت أدوية أو عقاقير أو أي منتجات تانية
انا حلمي اكون رائدة فضاء فهل دراسة قسم الفضاء والفلك توصلني لوكالة ناسا بعد عمل ماجستير ؟
وهل اقسام جامعة علوم القاهرة هي هياها اقسام كلية علوم كفر الشيخ؟؟
هتكوني محتاجة تدخلي أقسام متخصصة في المجال ده زي قسم الفلك والفضاء، إذا كلية العلوم كفر الشيخ فيها اقسام للفلك والفضاء فيبقى خيار كويس جدا، وإذا غير متاح ممكن تشوفي جامعة تانية فيها الاقسام دي
كنت عايز اعرف طريقة دخول قسم حاسب
يشترط أن يكون تخصصك في الثانوية هو (علمي رياضة) وسوف تقوم باختيار المواد الدراسية التي تؤهلك لهذا التخصص في السنوات التالية، علما بأن التخصص يكون من العام الثاني
انا اكثر قسم بحبه هو البيولوجي بس هناك بعض الناس بتقول فرص عمله اقل من الكيمياء ويقولون اتخصص في القسم الاكثر لفرص العمل ف انا مش عارف ادخل البيولوجي ال بحبه ولا اشوف قسم يكون فرص عمله احسن؟؟
نصيحتي ليك، هي اوعى إنك تختار قسم لمجرد إن فرصه أكتر في سوق العمل على حساب تخصص تاني إنت بتحبه! قسم انت مختاره بإرادتك – على فرض إن فرصه قليلة – بس حبك ليه هيديك حافز قوي عشان تطور نفسك فيه بشكل كويس من بكالريوس لدبلومة لماستر أو دكتوراه وهيكون عندك شغف تعرف فيه جديد دايماً من غير زهق أو ملل، اتبع شغفك ومسألة الشغل دي رزق وحاجات بايد ربنا سبحانه وتعالى … وبالتوفيق ليك
لو سمحت فى قسم خاص imac
ده اقدر اعمل منه دبلومة وافتح معمل تحاليل ..
وبيدرس ايه فيه
مفيش داعي لقسم خاص مدفوع ، طالما ناوية على معمل تحاليل
اعتقد مُتاح من قسم الكيمياء العادي
انا داخلة اولى كلية علوم وعارفة ان فى سنة اولى فى مواد اجباريه ومواد اختيارية مع العلم انى عايزة اتخصص بعد كده فى ميكروبيولجى كيمياء فا عايزة اعرف اختار اى من المواد الاختيارية بحيث اوصل للقسم ده
هتختاري مادة البيولوجي كمادة اختيارية في السنة الأولى، إلا إذا كان فيه تخصص ميكروبيولوجي من سنة أولى في جامعات معينة
لو سمحت انا كنت عايز اخش كلية علوم وانا مش عارف اقسام علوم واية فرص عمل كل قسم بس انا بحب الكيمياء وقرات ان فية قسم الكيمياء بس برضو مش عارف القسم دا اية فرص عملوا او اية مميزاتوا
قسم الكيمياء ممتاز وليه فرص متشعبة في سوق العمل مثلاً في: التحاليل الطبية، الجودة، شركات الأدوية، مصانع الدهانات والبويات، البتروكيماويات، المراكز البحثية وهيئة الطاقة الذرية وغيرها العديد من المجالات المختلفة
بعد ازن حضرتك بالنسبه ل اقسام علمي رياضه ف كليه علوم اي يعتبر افضل الاقسام الي حضرتك بتفضلها
تخصص الرياضة نفسه وتخصص الرياضة وعلوم الحاسب
سلام عليكم، انا دلوقتي ان شاء الله داخل سنه تانيه كليه علوم جامعة الإسكندرية، والتخصص بقا وكدا ، ف كنت عايز نصيحة بالنسبه للتخصص، قسم الكيميا عموما جميل جدا، بس أنا محتار بين major كيمياء أو major بايوكمستري ، ياريت الافاده، وجزاكم الله خيرا ❤
وعليكم السلام ورحمة الله وبركاته، القسمين ممتازين جداً، بقترح عليك تدخل Major Chemistry على الرغم من إنه ممكن يكون أصعب شوية من الكيمياء الحيوية لكنه أعم وأشمل، على عكس الكيمياء الحيوية شغله مقتصر على مجالات محددة
تمام جزاكم الله خيرا ❤❤
لو سمحت انا ثانوي ازهريه لو عايزه ادخل علوم قسم كيميا يشترط اكون جايبه درجه معينه في الكيمياء في تالته ثانوي ولا عادي
بعتذر بشدة عن التأخر في الرد لأني لم أرى التعليق ، لا يشترط ولكن يشترط مجموع الثانوية العامة فقط للالتحاق بالكلية
ومع العلم اني بحب الكيمياجدا وعايزه اطلع اشتغل في حاجه ليها علاقه بالكيميا والتحاليل وكدا فأدخل اي
انا ميولي للطب والادويه كبيره والكيميا والكلام.دا وبحب التجارب والبحوث تنصحني ادخل اي
ما هى الاقسام اللى منها اقدر اشتغل فى مراكز البحوث او فى التحاليل الطبية
بالنسبة للتحاليل الطبية فالأقسام المناسبة لها هي: الكيمياء والميكروبيولوجي
أما بالنسبة لمراكز الأبحاث: فأغلب أقسام كلية العلوم تقريباً لديهم فرص عمل في مراكز الابحاث
عاوز اعرف اي مميزات قسم فيزيا طبيه واشعاعيه وهل ليه فرصه فسوق العمل ولا لا وهل ينفع اخش قسم كيميا مع اني انا علمي رياضه بس بحب التحالبل وكده وبعد كدا عاوز اعرف انهي افضل وليه
لو سمحت انا رايح أولى علوم لسه وعايز اعرف أكبر كم ممكن عن قسم رياضة وعلوم حاسب سوا ريت بسرعه عشان بكره اخرى ف التحويل
هتلاقي معلومات مُفصلة على الموقع الرسمي للكلية بتاعتك، سواء كنت علوم القاهرة أو حلوان …
هل قسم كيمياء حيوي له فرصة الالتحاق بصيدلية بعد بكالوريوس علوم
معنديش معلومات بصراحة، اذا كان مُتاح أو لا، دي هتعرفيها من كتاب الإرشاد الأكاديمي في الكلية واللي هيكون فيه كل التفاصيل الخاصة بالنقطة دي تحديداً، وممكن المعلومات دي تكون متاحة على الموقع الرسمي لكلية العلوم
هل يوجد فرص عمل لتخصص الفزياء اوالتخصص المزدوج الفزياء- الفلك سواء في مصر اوالخارج وما هى فرص العمل المتاحه قبل وبعد المجستي
لو سمحت فيزياء وعلوم حاسب حلوه ولا لا
وكمان حابب اعرف إن شاء الله بعد التخرج والكورسات هنلاقي شغل علي ارض الواقع ولا كله كلام وخلاص
ومثلا زي شركة اي يتوظف خريج علوم قسم فيزياء وحاسب أو حاسب
وشكراً
ارجو الرد السريع
فيزياء ليها مجالات عمل لكن مش كتير في مصر للأمانة، لو أنت ميال أكتر للكمبيوتر فممكن تشوف إما كلية علوم قسم حاسب أو كلية حاسبات ومعلومات لأن ليهم فرص أكتر
ممكن اعرف اكتر عن التحصص ده لو حضرتك عرفت ياريت لو حضرتك وصلك الرساله ممكن تبعتلي اكتر على الجيميل بعض التفاصيل عن القسم ده و ازاي ادخله في تركيا او فرص عمله فيمصر
أي قسم تحديداً؟
لو سمحت انا لسه بفكر يعني ادخل علوم بس انا بحب ال biology اوي يعني لو دخلت القسم بتاعها هل هيبقا ليه فرص عمل كويسه و ايه هي العمل المتاح ليا بعد اما اتخرج يعني بشتغل ايه بيها و هل لو جبت تقديرات عاليه ده يقدر يخليني اشتغل في الأبحاث و هل ده حاجه كويسه و هل هذا القسم مطلوب بالخارج
قسم البيولوجي ممتاز جداً وله فرص عمل خصوصاً في مجالات البحث العلمي، وبخصوص التقديرات العالية فهي هتساعدك بشكل قوي في المجال الأكاديمي سواء للعمل في التدريس بالجامعة أو للعمل في مراكز الابحاث، كما أنه يشمل ايضاً مجالات التحاليل الطبية في حالة دراستك لتحصص مزودج مثل (الكيمياء والبيولوجي)
ما هو عمل قسم الكيمياء
أشهر وظائف المتاحة للكيمياء هي:
– التحاليل الطبية
– البتروكيمياويات
– مندوب الأدوية الطبية
– التدريس
– مصانع البلاستيك والبويات
– مصانع الأسمنت
– محطات تكرير المياه
– مراكز الأبحاث
– هية الطاقة الذرية والرقابة على الإشعاع
هو انهي احسن قسم ميكروبيولوجي و لا بايوتكنولوجي ؟
و هل هما اقسام خاصة و لا لا
و مصاريف كل واحد في جامعة حكومية زي القاهرة هيكون كام
لو سمحت انا دخلت قسم مزدوج اللى هو كيمياء / فيزياء ( على حسب المجموع) مع العلم انى مبحبش الفيزياء قوى بس مستعد انى احبها وهل القسم دة ليه فرص عمل ، ارجو الرد
إنت معاك ميزة وهي إنك معاك التخصصين مع بعض وهما الكيمياء والفيزياء، من ناحية فرص العمل فليهم طبعاً
سواء في شركات الأدوية أو المصانع أو في هيئات الطاقة الذرية ومراكز البحوث، بس نصيحة حاول تركز في مجال منهم أكتر بعد التخرج
لأن صعب إنك تكون قوي في التخصصين مع بعض، خصوصاً إن كل مجال منهم بحر كبير ومليان تفاصيل وفروع داخلية